Ҡәҙерле дуҫтар!

Һеҙҙе Башҡорт теле көнө менән ҡотлайым! Был байрам, бәхетле киләсәккә өндәп, үҙ халҡын ғилемгә, белем алыуға саҡырыусы башҡорт шағиры һәм мәғрифәтсеһе Мифтахетдин Аҡмулланың тыуған көнөнә арналған.

Тел – ул милләт рухы, уны белмәйенсә тарихи хәтерҙе, мәҙәни йолаларҙы һаҡлап ҡалып булмай. Рәсәй – күп милләтле ил, ә туған телдәр һәр халыҡтың бөйөклөгөн, үҙенсәлеген һаҡлаусы төп сара.

Байрам көндә Һеҙгә башҡорт әҙәбиәтенең, тарихының һәм йолаларының  иң яҡшы сығанаҡтарынан көс, илһам алып, тел белемен камиллаштырыу өҫтөндә арымай-талмай эшләүҙә тик уңыштар теләйем!

Башҡортостан Республикаһы Дәүләт Йыйылышы – Ҡоролтай депутаты,
Аҡмулла университеты ректоры                                            
Салауат Сәғитов