Ошо көндәрҙә Мәжит Ғафури мемориаль йорт-музейында яҙыусы Рәшит Солтангәрәевтең 90 йәш тулыуына бағышланған матур сара үтте, «Осто бөркөт» тигән күргәҙмә асылды. Ҡунаҡтар араһында Рәшит Шәкүрҙең ҡыҙы Шәүрә Шәкүрова сығыш яһаны, бала саҡ хәтирәләре менән бүлеште, ҡасандыр Рәшит Шәкүр һәм Рәшит Солтангәрәевты "Ике Рәшит" тип атағандарын, ике шағирҙың аралышҡан мәлдәре тураһында һөйләне.