Ситтән тороп уҡыу бүлегенең студенттарына диплом тапшырыу сараһы үтте

12 марта 2025

Башҡорт теле һәм әҙәбиәте кафедраһының төп маҡсаты –  яңы шарттарҙа, техниканың тиҙ үҫеше  һәм глобалләшеү заманында  төплө белем алған, юғары квалификациялы белгестәр әҙерләү. 

12 март  2025 й. ситтән тороп уҡыу бүлеген тамамлаған студенттарға диплом тапшырыу сараһы үтте, ул кафедраның матур йолаларының береһе булып тора. Сарала башҡорт филологияһы факультеты деканы, профессор Ләйлә Миҙһәт ҡыҙы Хөсәйенова, уҡытыусылар, сығарылыш курс студенттары һәм уларҙың дуҫтары, туғандары ҡатнашты.

Кафедра мөдире, педагогия фәндәре кандидаты, доцент Сәлимә Айбулат ҡыҙы Таһирова студенттарға артабан да үҫешергә,  белемдәрен магистратураға инеп дауам итергә тигән изге теләктәрен еткерҙе.

Улар менән тығыҙ эшләгән кафедра доценттары:  Зәки Арыҫлан улы Әлибаев, Вадим Зәйнулла улы Толомбаев, Зөләйхә Әхмәт ҡыҙы Хәбибуллина, өлкән уҡытыусы Гөлфиә Шәфҡәт ҡыҙы Дәүләтҡолова студенттарҙың уңыштарын билдәләнеләр.

Дипломдар тапшырылғандан һуң, студенттар бер-береһенә теләктәр әйтеп, тантананы байрам тойғоһо менән тамамланылар.

                                                                                                                                                                                  Азалия Хурамшина 

Фотографии